入秋乾燥痕癢?身體保濕同樣重要!

Noel Yu

Oct 10, 2017

保濕是一年四季都要做的事,尤其乾燥又凍冰冰的秋冬季,不只臉肌膚緊繃繃,連身體都會又乾又癢,甚至會出現脫皮,真係一刻都不能夠鬆懈,一定要做好身體保濕。

人體表皮有天然的油脂層,阻隔水份流失,不過天冷時皮脂腺分泌減少,加上乾燥令皮膚水份蒸發加快,不少人仲好鍾意係天凍時沖一個超熱的熱水浴享受一番,令到手臂、頸、腰及腿部等皮脂腺較少的部位更加乾燥痕癢。

講到潤膚產品,應好似同臉面護理一樣,要因應自己的膚質而細心挑選,假如皮膚唔算太乾的人,就可以揀水份較重的水份乳霜(Aqueous cream)或乳液(Lotion),貪其清爽質地又有滋潤作用。自問皮膚係比較乾的人呢,乳霜(Cream)同乳液(Lotion)則含較高水份,可即時滋潤皮膚又會唔太「笠」。至於油膏(Oinment)及潤膚油(Body oil)雖然是最滋潤及潤膚效果最持久,但質地相對較「笠」,比較適合極乾性皮膚。

除咗揀啱產品外,幾時塗抹都好重要。一般而言,淋浴後半抹乾身體 ,就係最佳的塗抹潤膚產品的Timing,因為剛淋浴後,皮膚表面充滿水份又平滑,潤膚成份較易附於皮膚表層,發揮更持久護膚作用。

除了外塗之以,記得還了內服——「飲水」,秋冬季節每日飲至少八至十杯水,也有助預防皮膚乾燥。假如要長時間待在空調或電暖器的環境中,最好就一杯水在附近,提高空氣濕度,讓自己時時保持水噹噹!