Party Girl出動 聖誕戰衣網上尋

Noel Yu

Nov 21, 2017

話咁快又到年尾,一年之中,就數12月最多Party,由平安夜直踩到下一年嘅1月1日,真係少啲體力都應付唔到。除咗體力之外,最不能缺少的當然是靚靚的party dress同妝容啦!不過每逢年尾好多公司唔知點解都會特別忙,條街又特別多人,實在無時間又冇心情出去迫,點算?網購幫到妳!

偉大嘅淘寶網實在不用再講,除咗淘寶外,近期N編的FB被一系列的「京東商城」Post洗版,皆因7月同11月推特別優惠,全場包郵直送香港,所以好多朋友即由淘寶轉投京東的懷抱,想買一些平價的party dress或者聖誕女郎裝等,都可以考慮一下京東,因為近期成日有促銷活動同優惠呢!

假如想著上一條有名有姓、出自名設計之手的Party dress,去狂歡影吓相呃like,又唔想千金散盡買平時好少著的裙,到底有何妙法?當然有啦!其實好多香港女性同妳一樣,因此越來越多「共享衣櫥」的網店應運而生,例如 「Yeechoo」及「wardrobista」,妳可在網上任擇數百件名牌時裝,只需選定款式、尺碼及租借日期,對方即會將衣物直接送到妳府上,更會在租借結束日上門取回,簡單方便,價錢不過數百元,不只慳錢,又可以較低成本著上品牌時裝,而且可以減少浪費!

唔鍾意同人「共享衣櫥」?除了「Zalora」或「Mydress」,可以到「ASOS」、「SHOPBOP」: 「SHOPSTYLE」睇睇,其實好多連身裙可以當Party dress著,去完Party後亦可以著返工,一啲都唔會太誇張,適合預算不多又低調含蓄的Party Girl!

小編精選