近期係電視睇到「胡說八道會」六位閨蜜死黨一齊去澳洲旅行，真係既happy又sweet，放閃程度不亞於情侶，令到好多人都好想即時孖住好友去一趟旅行。妳以為同閨蜜有十幾年感情，一齊行街、High tea、傾通宵電話就代表是彼此的好旅伴？咁就大錯特錯了，同閨蜜去旅行其實係友情大考驗！去之前記先取得以下五點的共識，以免中伏！
1. 行程安排意見多
每個人對旅程都有不同期望，有人要去這個景點，另一個要去十萬九千里以外的人氣食店，但時間有限，應該如何安排呢？這個時候就應該互相妥協，妳就我一次，我又就返你一次。假如當中有人任性霸道，要圍住佢來安排行程，咁妳就應該識做了。
2. 生活習慣不同易爭拗
閨蜜去旅行好少會分房訓，曾經一位有潔癖的朋友與一名不修邊幅的好友同一間房，一人每次去完街回酒店都要第一時間沖涼換衫，另一個卻大而化之，草草卸妝後就倒頭大睡，重點是她們要孖舖 ，結果二人在旅程中鬧得相當不快。
3. 沉迷社交媒體
跟閨蜜去旅行當然要享受過程，但唔知妳身邊有冇一班沉迷網絡的朋友，即使身在外地，去到邊都要瘋狂影相打卡，或者同其他朋友Whatsapp，搞到妳以為自己係透明人，感到非常無癮。
![]()
flickr
4. 錢銀要分明
有人認為去旅行不是受難，時間就是金錢，生活就是享受，寧願花多少少也要食好住好，但有人認為旅行就是體驗，不需大花金錢，最好能以最少金錢玩最多地方，廉航和杯麵也不是問題，這樣很多時在錢銀方面很易出現分歧。
5. 無所謂等於多意見
最後，記得留意一下旅伴中有沒有閨蜜在平日約食飯時，口邊經常掛著「無所謂」或「妳決定」這三個字，但通常又對妳的決定諸多不滿。跟這類人去旅行通常「先甜後苦」，計劃行程時笑笑口說沒意見，但去到當地才黑面面地挑剔這、抱怨那，這類人絕對要避之則吉。
![]()
flickr
記著，旅行不只是短短幾天，但絕對是閨蜜友情的最大考驗，能夠在旅行後相安無事、開心歸來，這真是正真的閨蜜啊！
