私密處保養 Keep It Simple!

女性特別部位是全身最嬌嫩的部位，理應好好呵護，近年亦越來越多針對女性特別部位的產品，例如女性衛生潔膚液，還有護墊，到底係咪一定有需要用？用咗就會衛生啲、乾淨啲、清爽啲？

首先講講女性衛生潔膚液，在正常情況下，成年女性的陰部為弱酸性，酸性的環境令害菌無法生長，等於一層天然的保護屏障，令陰道健康。過度清潔就有機會破壞陰部環境平衡，令害菌乘虛而入，增加患陰道感染風險，所以用清水已足夠；假如間中想要特別清洗一下，使用女性衛生潔膚液也無妨，只是不要用來灌洗陰道及過度清潔即可。

另外，陰道分泌物會弄髒「底底」，分泌較多時濕濕的好唔自在，所以有不少女性會用護墊。不過，護墊有一層膠，令下體透氣度大減，加上好多人唔係成日換護墊，好容易會滋生細菌，增加患上陰道炎的風險。其實，一般日子只要穿著純棉潔淨的內褲便可。假如要使用護墊，一定要注意材質是否透氣、吸水力強不強，最好兩至三小時更換一次，回到家就不要再用，讓私處好好「呼吸」。

最後，平日也要少穿緊身褲，內衣褲要與普通衣物分開清洗，若下體有任何異樣或不適，如疼痛、痕癢、分泌物大增、發出異味等，就應盡快向婦科醫生求醫。