教妳揀飲擇食 低GI飲食減肥

Noel Yu

Jan 16, 2018

飲食減肥方法五花八門,有食肉減肥、低碳減肥、西柚減肥等等數之不盡,最近又有低胰島素減肥法,即是「低GI 飲食減肥法」,到底係點呢?

首先,GI 是指升糖指數(Glycemic Index),簡單來說是指食物經過消化吸收後血糖上升的速度,而葡萄糖是最容易使血糖快速升高的成分,所以GI值為100,屬最高。一般GI值超過70就是高升糖指數食物,56至69屬中升糖食物,55以下則是低升糖指數。

當我們攝取高GI食物時,體內血糖值會快速上升,身體會分泌大量胰島素用來抑制血糖水平,過多胰島素會促使脂肪形成,同時血糖值下降,大腦好快又會傳達出饑餓感,咁我哋又會想食嘢了。反之,在消化低GI食物時,血糖值會處於較穩定水平,能量被身體使用,不會很快地轉化為脂肪,也不會很快便感到飢餓感,這樣當然就不易肥啦!

不過,唔好以為低GI食物就可以狂食,因為低GI唔等於低熱量,例如花生、煙肉、香蕉、芝士等都係低GI但高熱量的食物,而且烹調方式都會對食物的IG值有所影響,以意大利粉為例,GI值係較白飯低,但若然係加上大量醬汁,熱量就會好高。

總而言之,記得要「揀飲擇食」——選擇低熱量、低GI的食物,才會真正運用到低GI 飲食法減肥呢!