想要最佳伴娘？就看這4大個性特質

「BIG DAY」是每個新娘最期待但又最煩惱的人生大事，伴娘及姊妹團更是整個婚禮的成敗關鍵，尤其是伴娘好多時要主持大局，並非只喺扮得靚靚企喺新娘旁邊就算 。所以，新娘在揀伴娘時，除了要考慮彼此情誼，都要睇睇一眾閨蜜邊個具備以下特質：

1. 事事以新娘為先

婚禮當日理應係一對新人做主角，但假如有啲朋友比較喜歡成為眾人焦點，只顧條裙同個妝靚唔靚，甚至要靚過新娘，或者瘋狂攝鏡，咁可能就不太合適了。

2. 眉精眼企心細如塵

在大日子由朝忙到黑，N咁多樣嘢要做，新娘身邊當然要有一個細心的人從旁提醒打點，安排一切，讓妳可以安心享受成為人妻的喜悅，欣然接受各方的祝福。

3. 具應變能力

一個婚禮閒閒哋有過百人參與，人多自然意見多，尤其是長輩同親戚之間，一旦處理得唔好，分分鐘喜事變鬧劇，加上即使有萬全準備，但計劃往往趕不上變化，所以一個識執生又具應變能力嘅伴娘絕對可以幫妳化解婚禮上的危機。

4. 不斤斤計較

新娘之所以能夠成為一日公主，全賴伴娘和姊妹團在婚禮前用心籌備，並在當日早早起床，一直忙到夜深為妳的大日子而勞心勞力，比上班還要累。除了情分以外，還要有不斤斤計較的個性。