水腫、大隻、定真肥?脂肪磅話你知

Noel Yu

Sep 04, 2017

「我唔係肥,只係大隻啫」、「邊度肥?我水腫咋」,相信呢兩句說話大家都有講過,到底你係只係大隻、水腫,定真係肥咗?同埋自己有冇超脂,用脂肪磅check一check就知。

脂肪百分比是指人體內脂肪佔全身體重的比例。 一般來說,女性體內脂肪佔體重約15 至25%,但體脂並非越低越好,因為人體需要脂肪,用作保護內臟及提供能量等,而且女性的胸部由脂肪組成,相信冇人想完全平胸。健康女性的理想體脂為20%至24%,假如超過30%,就可歸入肥胖一類了。

與一般的體重磅不同的是,脂肪磅是利用生物電阻測量法,以微電流通過人體,體內脂肪愈多,電阻越大,電流就越小,咁就可以計算到脂肪百分比、體內水份比重、肌肉重及骨質重。有啲較專業的脂肪磅唔只需要妳企係磅上,由腳掌釋放微電流,更需要你用埋手掌測量,就可以更準確量咁度哂全身脂肪百分比。

大家係使用肥肪磅時,以下三點要特別留意:
  1. 由於我哋體內的水分會不時產生變化,例如攝取過量鹽分時,體內水分會增加,脂肪百分比就會相對較低。
  2. 為確保讀數更精確,應盡量每天都在同一時段使用脂肪磅,而且磅重時衣著應差不多。
  3. 要注意孕婦、體內裝有電子醫療設備,如心律調節器等人士不宜用脂肪磅。